მაჟორიტარი ბუხაიძის ქუჩაზე მდებარე კორპუსს კანალიზაციის პრობლემის მოგვარებას დაპირდა

ქუთაისის საკრებულოს წევრი, "გამარჯვების" ოლქის მაჟორიტარი ნატო ქათამაძე, ბუხაიძის ქუჩის მე-2 მიკროს N19 ბინის მოსახლეობას შეხვდა. შეხვედრის მიზანს ბინაში შექმნილი საყოფაცხოვრებო პრობლემების გაცნობაწარმოადგენდა.

აღნიშნულ ბინაში დაზიანებულია საკანალიზაციო სისტემა. მაჟორიტარის დახმარებით ადგილზე გამოცხადდენ ადგილობრივი წყალმომარაგების კომპანიის საავარიო ჯგუფის წევრები და პრობლემაც ამ ეტაპზე აღმოიფხვრა, თუმცა აღნიშნული ბინის ეზოში საკანალიზაციო ჭების მოუწესრიგებლობის პრობლემები დიდი ხანია დგას და როგორც მოსახლეობა ამბობს, ასეთი ერთჯერადი ღონისძიებები საქმეს ვერ მოაგვარებს.

ნატო ქათამაძე მოსახლეობას აღნიშნული საკითხის სიღრმისეულად შესწავლას და წყალმომარაგების კომპანიასთან შუამდგომლობის წერილის საფუძველზე, პრობლემის საბოლოოდ მოგვარებას დაპირდა.

მაჟორიტართან ერთად ბინაში არსებულ პრობლემას გაეცნო ბინათმესაკუთრეთა ამხანაგობების თავმჯდომარეთა ასოციაცია "ბათას" თავმჯდომარე ლაშა ხაზარაძე, რომელთანაც ურთიერთთანამშრომლობის მემორანდუმი მაჟორიტარმა 2 თვის წინ გააფორმა.