იპოთეკური სესხით დაზარალებულებმა, ჩამორთმეულ საცხოვრებელ სახლებთან საპროტესტო აქციები დაიწყეს

იპოთეკური სესხით დაზარალებულებმა, ჩამორთმეულ საცხოვრებელ სახლებთან საპროტესტო აქციები დაიწყეს.
იპოთეკური სესხით დაზარალებულების თქმით, ისინი დღეიდან ყველა იმ საცხოვრებელ სახლთან გამართავენ აქციას, რომლებიც წლების განმავლობაში საბანკო სესხებით დაზარალებულებს ჩამოერთვათ.
აქციის 30-მდე მონაწილე დღეს ვაჩიბერაძეების ოჯახთან შეიკრიბა, რომლებსაც სახლი რამდენიმე წლის წინ ჩამოართვეს.
„დღეს ჩვენ ვაჩიბერაძეების სახლთან ვიმყოფებით, რომელიც აუქციონზე გაიყიდა და მოსამართლემ იყიდა. ჩვენი მოთხოვნაა, რომ იმ ადამიანებს, რომლებიც წლების განმავლობაში ჩამორთმეული სახლების დაბრუნებას ვითხოვთ, ჩვენი კუთვნილი და წართმეული უძრავი ქონება დაგვიბრუნდეს“, - აცხადებს იპოთეკური სესხით დაზარალებული დარეჯან სულაქველიძე.