სკანდალური ბანერი და ნაგინები ფეხბურთის ფედერაცია ქუთაისში

ქუთაისის "ტორპედოსა" და ფოთის "კოლხეთს" შორის გამართულ საქართველოს უმაღლესი ლიგის მე-5 ტურის მატჩში იმერული კლუბის გულშემატკივრებმა ტრიბუნებზე სკანდალური ბანერი გამოფინეს, რომელზეც უხამსი სიტყვებით დღევანდელი ქართული ფეხბურთის რამდენიმე მნიშვნელოვანი ორგანო იყო მოხსენიებული. ჩვენ მიერ მოპოვებული ინფორმაციით, 20-მდე სამართალდამცავმა აღნიშნული ბანერის ჩამოხსნა სცადა, რამაც გულშემატკივრებსა და პოლიციელებს შორის შეხლა-შემოხლა გამოიწვია. საბოლოოდ სიტუაცია ქომაგების ტრიბუნების დატოვებით განიმუხტა.

"ქომაგთა კლუბი "ჯუნგლები" დღევანდელ თამაშზე მხოლოდ რამოდენიმე წუთით იყო სტადიონზე. როდესაც ბანერი გამოვფინეთ, 20-მდე პოლიციელი მოვიდა და ბანერის ჩამოხსნა მოგვთხოვა, რაზეც, რა თქმა უნდა, უარი მიიღეს. გაწევა-გამოწევის შემდეგ ძალით დააპირეს ბანერის ჩამოხსნა. არაფერი დავუთმეთ და გავერიდეთ იქაურობას. ეს ყველაფერი კი კლუბის ხელმძღვანელობის დავალებით მოხდა. რა თქმა უნდა, ლევან კობიაშვილსაც შევხვდით. სამწუხაროა, რომ ვერ შეიგნეთ თუ ვისია ეს კლუბი, თუმცა მალე გაიგებთ", - წერია ქუთაისური კლუბის ქომაგების "ფეისბუქის" გვერდზე.

http://websport.ge/