ზესტაფონში ბუნებრივი ძეგლების შესწავლა დაიწყო

ზესტაფონის მუნიციპალიტეტში არსებული კულტურული მემკვიდრეობის პოპულარიზაციისა და ტურისტული ინფრასტრუქტურის განვითარების ხელშესაწყობად ახალი პროექტის განხორციელება დაიწყო. პროექტი მდინარე რიონის აუზში ბუნებრივი ძეგლების შესწავლა პოპულარიზაციის ფარგლებში ხორციელდება, რომლის მიხედვით პირველი მასშტაბური შეხვედრა ზესტაფონის მუნიციპალიტეტის ადმინისტრაციული ერთეულების წარმომადგენლებთან დღეს შედგა. პროექტის ავტორმა თსუ პროფესორ – ასისტანტმა გიორგი დვალიშვილმა უშუალოდ პირველი წყაროდან მიიღო ინფორმაცია სოფლებში არსებული ბუნებრივი ძეგლების შესახებ. პროექტის მიხედვით განსაზღვრულია,როგორც ახალი ტოპოგრაფიული რუკის შედგენა, ასევე შესაძლოა ეს ყველაფერი წიგნადაც დაისტამბოს. ეს ყველაფერი კი, როგორც გიორგი დვალიშვილი ამბობს ტურისტული პოტენციალის ხელშეწყობას ემსახურება.