პირველი მწვანე ფესტივალი Green Fest საქართველოში

მიმდინარე წლის 19-20 სექტემბერს, რიყის პარკში, 12:00 საათიდან, "საქართველოს ახალგაზრდა მწვანეები’’ -ს ორგანიზებით საქართველოში პირველი მწვანე ფესტივალი "Green Fest" ტარდება.

ფესტივალის მიმდინარეობისას პანელდისკუსიები, ვორქშოფები და არაფორმალური დისკუსიები შემდეგი 4 თემის ირგვლივ იქნება წარმოდგენილი: ეკოლოგია და მდგრადი მომავალი; ურბანიზაცია, კვების ინდუსტრია და გენდერი. ფესტივალის პოლიტიკურ ნაწილში ჩაერთვებიან, როგორც გამომსვლელები მთავრობიდან, ინდივიდუალური ლექტორები და არასამთავრობო ორგანიზაციები.

"ფესტივალის მიზანია ქვეყანაში არსებული სოციალური და პოლიტიკური თემების საჯარო განხილვა და მათში ახალგაზრდების აქტიური ჩართვა. აგრეთვე, საჯარო სივრცისთვის კრიტიკული ფუნქციის შეძენა, სადაც ყველა მსურველს ექნება საშუალება თვითგამოხატვის და სადაც პროცესი იქნება მაქსიმალურად ინკლუზიური," - ამბობს ორგანიზაციის წარმომადგენელი ერეკლე მგელაძე.

ღონისძება დასრულდება ელექტრონული მუსიკით, რომელშიც მონაწილეობას ბერლინიდან ჩამოსული ჯგუფები მიიღებენ.