ბიძინა ივანიშვილის ვიზიტი ქუთაისის მერიაში და მოქალაქის შეხვედრები

თარიღი : 15-09-2015, 22:03 | კატეგორია: ახალი ამბები, სხვადასხვა

არასამთავრობო ორგანიზაცია "ევროპა ჩვენი სახლია"-ს თავმჯდომარე გია გოქაძე ქუთაისში ქვეყნის ყოფილი პრემიერის ბიძინა ივანიშვილის ვიზიტზე წერს. ივანიშვილი ქუთაისში მწერალ რეზო ჭეიშვილის დაკრძალვაზე იმყოფებოდა. გოქაძე მესხიშვილის თეატრიდან მწერლის გამოსვენებამდე განვითარებულ მოვლენებზე ამახვილებს ყურადღებას.

"დღეს ქუთაისში მწერალ რეზო ჭეიშვილის გასვენებაში მობრძანდა ქვეყნის მთავარი "მოქალაქე". თითქოს აქ ,უჩველო არაფერი არ უნდა ყოფილიყო, რომ არა დიდი მწერლის გამოსვენებამდე ერთი საათით ადრე განვითარებული მოვლენები. გასვენებიდან გამოსულმა "მოქალაქემ" თავის მანქანასთან იხმო გუბაზ სანიკიძე. ეს ის გუბაზია "სულიკოსავით" რომ დაეძებენ მოქალაქეები და ჟურნალისტებიც. "მოქალაქის" მითითების საფუძველზე, ის განთავსდა მისი მანქანის უკან მდგომი მერის მანქანაში-მერთან და გუბერნატორთან ერთად. მერი მალევე უკანვე გამოუშვა იმ კაცმა. "მოქალაქე" შებრძანდა მერიის შენობაში. ისე საინტერესოა, საშვი თუ ამოუწერეს "მოქალაქეს" მერიის მისაღებში?. რეზო ჭეიშვილი ჯერ გამოსვენებული არ ჰყავდათ და ესენი საქმეს არჩევენ გუბერნატორის ოთახში. 20 წუთში გამოვიდა გუბაზი. ძალიან მონდომებული ეწეოდა სიგარეტს და თან გამალებით ვიღაცას ურეკავდა.10 წუთში გამოჰყვა "მოქალაქე"მერიის შენობიდან, გამოსვენებას არ დაუცადა და წავიდა. გუბაზიც წავიდა," - წერს გია გოქაძე.

ნანახია: 3405-ჯერ