ბიძინა ივანიშვილი ქუთაისში რეზო ჭეიშვილის დაკრძალვას დაესწრო

მწერალი და დრამატურგი რეზო ჭეიშვილი დღეს ქუთაისში, მწვანეყვავილას მწერალთა და საზოგადო მოღვაწეთა პანთეონში დაკრძალეს. რეზო ჭეიშვილის ხსოვნას პატივი ყოფილმა პრემიერ-მინისტმა ბიძინა ივანიშვილმა მეუღლესთან ერთად მიაგო. დაკრძალვას კულტურის მინისტრი მიხეილ გიორგაძე, ქუთაისის მერი შოთა მურღულია, იმერეთის გუბერნატორი გივი ჭიჭინაძე და სხვა ოფიციალური პირები დაესწრნენ. პატივის მისაგებად ქუთაისში დღეს სპეციალურად ქართველი მწერლები, მსახიობები, კინორეჟისორები და საზოგადოებისათვის ცნობილი სახეები იმყოფებოდნენ.

რეზო ჭეიშვილი ქუთაისის ლადო მესხიშვილის სახელობის დრამატული თეატრიდან გამოასვენეს. ხოლო მწერლის სამუდამო განსასვენებლად პანთეონი მისი ანდერძის თანახმად შეირჩა.

დაკრძალვის ხარჯები მთლიანად ქუთაისის მერიამ დაფარა.