რატომ ვერ მიიღო ნატო ქათამაძემ თანაპარტიელების მხარდაჭერა და რა სიურპრიზს აანონსებს სამომავლოდ?

"რესპუბლიკური პარტიის" ქუთაისის ორგანიზაციას ახალი თავმჯდომარე ჰყავს. აღნიშნულ თანამდებობაზე ქუთაისის საკრებულოს წევრი ნატო ქათამაძე თანაგუნდელმა ფიქრია ხაჭაპურიძემ ჩაანაცვლა. ახალი თავმჯდომარე პარტიის ხელმძღვანელის თანამდებობაზე ერთი წლის განმავლობაში იმუშავებს. რაც შეეხება უკვე ყოფილ თავმჯდომარეს, ნატო ქათამაძე ამბობს, რომ მას არჩევნებზე საკუთარი კანდიდატურა არ დაუყენებია.

"სხვა საქმე მაქვს. ბევრ ახალ საქმეს ვგეგმავ და პარტიის თავმჯდომარეობისათვის დრო აღარ მექნებოდა. თუმცა ვრჩები პარტიისა და მისი ეროვნული კომიტეტის წევრად," - ამბობს ნატო ქათამაძე. რაც შეხება ახალ საქმეს, დეპუტატი მას არ აკონკრეტებს და აცხადებს, რომ ის სიურპრიზია.

ახალი თავმჯდომარე ფიქრია ხაჭაპურიძე აცხადებს, რომ "რესპუბლიკური პარტიის" ქუთაისის ორგანიზაციის ხელმძღვანელის პოსტზე მოსახვედრად მის გარდა კიდევ სამი კანდიდატი-რობიზონ წინწკალაძე, ნუგზარ კაშია და უკვე ყოფილი თავმჯდომარე ნატო ქათამაძე იბრძოდა.

"თუმცა რობიზონ წინწკალაძემ და ნუგზარ კაშიამ კანდიდატურები მოხსნეს და მხოლოდ მე და ნატო ქათამაძე დავრჩით. ეროვნული კომიტეტის წევრთა უმრავლესობამ კი მხარი მე დამიჭირა," - ამბობს ფიქრია ხაჭაპურიძე.