რეზო ჭეიშვილის დაკრძალვის ხარჯებს ქუთაისის მერია გაიღებს

მწერალ რეზო ჭეიშვილს ქუთაისში, მწანეყვავილას მწერალთა და საზოგადო მოღვაწეთა პანთეონში დაკრძალავენ. აღნიშნულთნ დაკავშირებით გადაწყვეტილება ქალაქის მერიამ ჭეიშვილის ოჯახთან შეთანხმებით მიიღო. ქუთაისის მერიის კულტურის სამსახურის უფროსის ვაჟა ჯუღელის თქმით, რეზო ჭეიშვილს 15 სექემბერს დაკრძალავენ. მისი გამოსვენება ლადო მესხიშვილის სახელმწიფო დრამატული თეატრიდან მოხდება, ხოლო დაკარძალვასთან დაკავშირებულ ყველა ხარჯს ადგილობრივი ხელისუფლება გაიღებს.

ცნობისთვის, მწერალი, დრამატურგი და რუსთაველის პრემიის ლაურეატი რეზო ჭეიშვილი გუშინ დილით გარდაიცვალა. გარდაცვლილის მეუღლე იხსენებს, რომ მწერალი, ბოლო წლების განმავლობაში, ხშირად ამბობდა, რომ ის ქუთაისის მიწას უნდა მიბარებოდა.

"სულ ამბობდა, რომ ქუთაისში მინდა დამკრძალოთო, მაგრამ ეს მხოლოდ ჩემი გადასაწყვეტი არ არის. შვილები ჩამოვლენ და ისინი მიიღებენ გადაწყვეტილებას. რაიმე განსაკუთრებული დაავადება არ სჭირდა. ასაკიდან გამომდინარე, ზოგჯერ ავამდყოფობდა. დღეს დილით მითხრა ცუდად ვარო, ცოტა ხანში კი, გარდაიცვალა. გული მწყდება, რომ მასზე ფილმს "რეზო ჭეიშვილის ცხოვრება" იღებდნენ, თბილისსა და ქვიშხეთში გადაღებები მორჩენილი იყო, ქუთაისში კი, შემოდგოამზე უნდა დაწყებულიყო და ის ვერ მოესწრო", - აცხადებს მარინა ვერულაშვილი.