სამტრედიაში მოსახლეობა სკოლის ეზოში ხეების გაჩეხვას აპროტესტებს

სამტრედიაში, ქალაქის ცენტრში, N4 საჯარო სკოლის ეზოში მრავალწლიანი უნიკალური ჯიშის წიწვოვანი ნაძვის ხეები მოჭრეს, რამაც ადგილობრივი მოსახლეობის უკმაყოფილება გამოიწვია. როგორც ჩვენთვის გახდა ცნობილი, ფაქტს საფუძვლად უდევს შესაბამისი კომისიის დასკვნა.



" ამ ხელისუფლებას თავისი ქმედებებით მსოფლიოს მასშტაბით თავი აქვს მოჭრილი და ხეების მოჭრაზე ვის რა პასუხი მოვთხოვოთ,? " - აცხადებენ ადგილობრივები.

სამტრედიის გამგებელი ვალერი ფოცხვერია Topnews.com.ge-სთან საუბრისას განმარტავს, რომ ხეები სკოლის დირექციის მომართვის საფუძველზე მოიჭრა.

"ეს იყო სკოლის ეზოში არსებული ხეები. სკოლის დირექციამ მოგვმართა ნებართვის გასაცემად. სკოლები რემონტდება და ხეები საძურკვრლს უშლიდა ხელს, სკოლა ზიენდებოდა და ამიტომ მოიჭრა ორი ძირი," - ამბობს გამგებელი.