ქუთაისის მერიის პრესსამსახურის მუშაობას დადებითად აფასებენ

"რომელი სახელმწიფო და კერძო უწყების პრესსამსახურის მუშაობას აფასებთ დადებითად?,"- ამ სათაურით საინფორმაციო სააგენტო Topnews.com.ge-ზე გამოკითხვა დაახლოებით ერთი კვირის განმავლობაში მიმდინარეობდა. გამოკითხვაში მონაწილეებს იმერეთის სამხარეო ადმინისტრაციის, ქუთაისის მერიის, წყალმომარაგების კომპანიის ქუთაისის ფილიალის, ენერგო პრო ჯორჯიას დასავლეთ საქართველოს ფილიალისა და ქუთაისის საქალაქო და სააპელაციო სასამართლოების პრესსამსახურების მუშაობა უნდა შეეფასებინათ. გამოკითხვაში მონაწილეობა 40-მა ადამიანმა მიიღო. აქედან ხმების უმრავლესობა-57.5% ქუთაისის მერიის პრესსამსახურს შეხვდა. მეორე ადგილზე იმერეთის გუბერნიის პრესსამსახური გავიდა 22.5%-ით, ხოლო მესამე ადგილი 10%-ით ენერგო პრო ჯორჯიას დასავლეთ საქართველოს ფილიალის პრესსსამსახურს შეხვდა.



საინფორმაციო სააგენტო Topnews.com.ge მადლობას უხდის გამოკითხვაში მონაწილე ადამიანებს.