პაატა ბურჭულაძემ ჭიათურის მოსახლეობას ქველმოქმედებისკენ მოუწოდა

საქველმოქმედო ფონდ "იავნანას" ხელმძღვანელი პაატა ბურჭულაძე ჭიათურაში ფილმის "ღირს არს ჭეშმარიტად" ჩვენებას დაესწრო.
ფილმის ჩვენების შემდეგ, ჭიათურის თეატრში შეკრებილ მოსახლეობას მსოფლიო ბანმა მახათას მთაზე ტაძრის მშენებლობის მნიშვნელობაზეც ესაუბრა.
ბურჭულაძემ ადგილობრივებს ტაძრის მშენებლობაში მონაწილეობის მისაღებისა და ერთი ლარის გადარიცხვისკენ მოუწოდა.
ბურჭულაძეს რაიონში ადგილობრივი ხელისუფლების წარმომადგენლებმა და მუნიციპალიტეტის მაჟორიტარმა დეპუტატმა მალხაზ წერეთელმა უმასპინძლეს.