ზესტაფონში ბუნებრივი აირით სამი ახალი სოფელი მომარაგდება

ზესტაფონის მუნიციპალიტეტში დამატებით სამი ახალი სოფელი გაზიფიცირდება.
საქართველოს მთავრობის პროგრამით ბუნებრივი აირით ზორვეთი, პირველი სვირი და როდინაული მომარაგდება. ზორვეთის ადმინისტრაციულ ერთეულში გაზიფიცირების სამუშაოები დასრულების სტადიაშია.
სოფელში პირველად ხდება მოსახლეობის უზრუნველყოფა ბუნებრივი აირით.
როგორც ადგილობრივები ამბობენ მთავრობის გადაწყვეტილება მათთვის ძალზედ მნიშვნელოვანია და დიდი შეღავათია თითოეული ოჯახიათვის. მიმდინარე პროცესებს გამგებლის მოადგილე ნიკოლოზ კრავეიშვილი ადგილზე გაეცნო. ზორვეთის შემდეგ სამუშაოები პროექტის შესაბამისად სხვა ადმინისტრაციულ ერთეულებში გაგრძელდება.