ხონის გამგებელმა საოჯახო ტიპის ბავშვთა სახლის აღსაზრდელებს მარიამობის დღესასწაული მიულოცა

ხონის მუნიციპალიტეტის გამგებელმა ჯემალ მებუკემ, ხონში მდებარე საოჯახო ტიპის ბავშვთა სახლის აღსაზრდელებს მარიამობის დღესასწაული მიულოცა და საჩუქრად ტკბილეული გადასცა.
აღნიშნულ საოჯახო ტიპის ბავშვთა სახლში ამჟამად სხვადასხვა ასაკის 7 აღსაზრდელია. ბავშვები საბაზისო განათლების გარდა ეუფლებიან ხელოვნებისა და სპორტის სხვადასხვა სახეობებს.
„წმინდა მარიამის წილხვედრი ქვეყნის შვილები ვართ ყველანი, გილოცავთ ამ უდიდეს დღესასწაულს და გისურვებთ ამ დღის მადლი არასოდეს მოგკლებოდეთ. ჩვენ მუდამ მზად ვართ დახმარების ხელი გამოგიწოდოთ, თქვენთან ერთად გავიზიაროთ ლხინიც და გაჭირვებაც,"- განაცხადა მუნიციპალიტეტის გამგებელმა ჯემალ მებუკემ.