ხონში ლეო ანთაძის საიუბილეო საღამო გაიმართა

ხონის მუნიციპალიტეტის კულტურის ცენტრის მცირე დარბაზში საქართველოს სახალხო არტისტის ლეო ანთაძის საიუბილეო საღამო გაიმართა.
შეხვედრა მსახიობის 80 წლისა და სასცენო მოღვაწეობის 60 წლის იუბილეს მიეძღვნა.
ხონელი საზოგადოების წინაშე ლეო ანთაძე მონო სპექტაკლით წარსდგა. მონოლოგები სხვადასხვა ნაწარმოებიდან მსახიობმა ჩვეული საშემსრულებლო მანერით წარმოაჩინა, რამაც მაყურებლის აღტაცება და ოვაციები გამოიწვია.
„ბედნიერი ვარ, რომ ხონელი მაყურებლის წინაშე წარვსდექი. მოხიბლული ვარ მათი ყურადღებით, თეატრისადმი სიყვარულით. თუმცა, ეს გასაკვირი სულაც არარის, ხონში თეატრალურ საზოგადოებას დიდი ხნის ისტორია აქვს“ - განაცხადა ლეო ანთაძემ.