რა ხდება იმერეთში? 21.08.2015

11:00 საათი–ქუთაისის დემოკრატიული ჩართულობის ცენტრში არასამთავრობო ორგანიზაცია "ევროპა ჩვენი სახლია"–ს დირექტორი გია გოქაძე ბრიფინგს გამართავს.

11:00 საათი–ქუთაისის მერის შენობაში ეკონომიკური განვითარებისა და ადგილობრივი თვითმმართველობის ქონების მართვის სამსახურის ტურიზმის განყოფილების ორგანიზებით, ტურისტულ კომპანიებთან შეხვედრა გაიმართება. შეხვედრის დღის წესრიგი შემდეგია: 11:00 – 11:20 საათი–შეხვედრის გახსნა/მისალმება. შეხვედრას ქუთაისის მუნიციპალიტეტის საკრებულოს თავმჯდომარე დავით დვალი და მერის მოადგილე კონსტანტინე ქავთარაძე გახსნიან.

11:20 – 11:40 საათი– შეხვედრის მონაწილეები 2015 წელს ტურიზმის სფეროში განხორციელებულ და მიმდინარე პროექტებს განიხილავენ. შეხვედრის ამ ნაწილს ქუთაისის მუნიციპალიტეტის მერიის ეკონომიკური განვითარებისა და ადგილობრივი თვითმმართველობის ქონების მართვის სამსახურის უფროსი პაატა კლდიაშვილი წარუძღვება.

11:40 – 12:00 საათი–კითხვა-პასუხი;

12:00 – 12:20 საათი– შეხვედრის მონაწილეები სამომავლო პროექტებს განიხილავენ. ხოლო ღონისძიებას ტურიზმის სფეროში სახელმწიფო და კერძო სექტორის თანამშრომლობის პერსპექტივების თემაზე დისკუსია დაასრულებს.


თუ გსურთ თქვენს მიერ დაგეგმილი ღონისძიებების შესახებ ინფორმაციის წინასწარ გავრცელება, გთხოვთ შესაბამისი ტექსტი გამოგვიგზავნოთ სააგენტოს ელექტრონულ ფოსტაზე: topnewscomge@gmail.com.