ქუთაისში მიმდინარე წელს 122 სადარბაზოს მოწყობა იგეგმება

ქუთაისში ,,ბინათმესაკუთრეთა ამხანაგობების განვითარების ხელშეწყობის” პროგრამის ფარგლებში, სადარბაზოების კეთილმოწყობა მიმდინარეობს. აღნიშნული პროგრამა თანადაფინანსების პრინციპით ხორციელდება. კონკრეტული სადარბაზოს კეთილმოწყობისათვის საჭირო თანხის 90 % -ს ადგილობრივი თვითმართველობა ფარავს, ხოლო დარჩენილ 10 % -ს მოსახლეობა იხდის. სამუშაოებს ტენდერში გამარჯვებული სამი კომპანია: შპს“გი-იან 2011“, შპს“ ჯიაისი“ და შპს“ ნიუ-იბერია“ ასრულებს. პროგრამისთვის ადგილობრივი ბიუჯეტიდან 821 833 ლარია გათვალისწინებული. მთლიანად პროექტით მიმდინარე წელს 122 სადარბაზო უნდა შეკეთდეს. სამუშაოები ირაკლი აბაშიძის ქუჩაზე # 17 კორპუსში ადგილობრივი თვითმმართველობის წარმომადგენლებმა დაათვალიერეს.