თვითმკვლელობების სტატისტიკა საქართველოში

საჯარო ინფორმაციის მონაცემთა ბაზა (IDFI) საქართველოში თვითმკვლელობების შესახებ სტატისტიკურ მონაცემებს აქვეყნებს.

სტატისტიკა 2011-2015 წლებს მოიცავს. როგორც ირკვევა, აღნიშნულ პერიოდში ყველაზე მეტი - 382 შემთხვევა 2014 წელს ფიქსირდება. 2013 წელს საქართველოში დაფიქსირებულია თვითმკვლელობის 312 შემთხვევა, 2012 წელს - 315 შემთხვევა, ხოლო 2011 წელს - 293 შემთხვევა. აღსანიშნავია ის ფაქტი რომ 2015 წლის პირველი კვარტლის განმავლობაში სუიციდის უკვე 123 ფაქტი ფიქსირდება.

2011 წელს IDFI-ის თვითმკვლელობის მიზეზით გარდაცვლილთა რაოდენობის შესახებ 2008-2010 წლების სტატისტიკური მონაცემები მიღებული აქვს სტატისტიკის ეროვნული სამსახურიდან. აღნიშნული მონაცემების მიხედვით 2008 წელს ფიქსირდება სუიციდის 67 შემთხვევა, 2009 წელს - 188 შემთხვევა, ხოლო 2010 წელს - 113 შემთხვევა. სტატისტიკის ეროვნული სამსახურის განმარტებით, აღნიშნული მონაცემები ეფუძნება სამედიცინო დაწესებულებებიდან და სამოქალაქო რეესტრის სააგენტოდან მიღებულ მონაცემებს.