სამტრედიაში მაწანწალა ძაღლები მოსახლეობას კბენს

სამტრედიის მუნიციპალიტეტის მოსახლეობა მაწანწალა ძაღლების სიმრავლეს უჩივის. როგორც Topnews.com.ge-ს მუნიციპალიტეტის გამგებელმა ვალერი ფოცხვერიამ განუცხადა, მუნიციპალიტეტის გამგეობაში სხვადასხვა ქუჩიდან ყოველდღიურად რამდენიმე საჩივარი შედის.

"გავგიჟდი ისეთ დღეში ვართ. მოგეხსენებათ სამტრედია სატრანზიტო ქალაქია, ამიტომ ხონი იქნება თუ სხვა ქალაქი, მოყავთ ეს ძაღლები და ტრასაზე ყრიან. ქალაქში ძალაინ ბევრი მაწანწალა ძაღლია და მოსახლეობას აწუხებს. იყო შემთხვევები, როდესაც ძაღლებმა დაკბინეს მოსახლეობა," - ამბობს გამგებელი.

სამტრედიაში მაწანწალა ძაღლების დაჭერა, მათი აცრა, დაბირკვა და ისევ ადგილზე დაბრუნება ტენდერში გამარჯვებულ "ინდმეწარმე გოგი"-ს ევალება.