ქუთაისში გელათის ქუჩაზე გზის საფარის დაგება მიმდინარეობს

ქუთაისში, გელათის ქუჩაზე გზის საფარის დაგება დღეს დაიწყო. სამუშაოებს ტენდერში გამარჯვებული კომპანია შ.პ.ს ,,გზამშენი 21"ასრულებს. პროექტს რეგიონალური განვითარების ფონდი აფინანსებს.
როგორც topnews.com.ge-ს მერიის პრესსამსახურიდან აცნობეს, ყველაზე მსხვილი პროექტის გელათის ქუჩის რეაბილიტაცია 2 925 000 ლარი ჯდება. ასფალტის პირველი ფენა 2 კვირაში დასრულდება და გზა გავლადი იქნება.
გელათის ქუჩაზე სრულად შეიცვალა წყლის სისტემა. წყლით უზრუნველყოფილი იქნება ის ქუჩები, რომლებსაც წყალი არასოდეს არ მიეწოდებოდა. ასევე გაკეთდა საყრდენი კედლები, ბორდიურები, დახურული და ღია სანიაღვრე სისტემები, გამოიცვალა მიწისქვეშა კომუნიკაციები.
შეგახსენებთ, რომ გელათის ქუჩაზე გზა რამდენიმე თვეა ამორტიზირებულია, რის გამოც მოსახლეობამ რამდნეჯერმე საპროტესტო აქცია გამართა.