ქუთაისში არსებული 35-ვე საბავშვო ბაღის დირექტორს თანამდებობა დაატოვებინეს

ქუთაისში არსებული 35-ვე საბავშვო ბაღის დირექტორს თანამდებობა დაატოვებინეს.
სკოლამდელი აღზრდის დაწესებულების ფილიალის გათავისუფლებული ხელმძღვანელების თქმით, მათ ბაღების გაერთიანებული ხელმძღვანელისგან დღეს შეიტყვეს, რომ ისინი თანამდებობებზე აღარ რჩებიან.

ყოფილი ხელმძღვანელები, მათი გათავისუფლების მიზეზად თანამდებობაზე დანიშვნის თარიღს ასახელებენ, რადგან ისინი 4 წლის წინ „ნაციონალური მოძრაობის“ ხელისუფლბაში ყოფნის დროს დაინიშნენ.

„ჩვენ 4 წლის წინ დაგვნიშნეს ამ თანამდებობზე. სწორედ ამიტომ ქუთაისის მერიას სურს „ნაციაონალების“ ხელისუფლების დროს დანიშნული კადრი გაათავისუფლონ. სხვა მიზეზს ჩვენ ვერ ვხედავთ. ადმინისტრაციული სამსახურის უფროსს, რომ ვუთხარი თუ რატომ გაგვანთავისუფლეს, პასუხად მითხრა - იმიტომ. ჩვენ ამას ასე არ დავტოვებთ და აუცილებლად სამართლებრივად მოვითხოვთ თანამდებობაზე აღდგენას“, - აცხადებენ დირექტორები.

ბაღების გაერთიანებაში კი აცხადებენ, რომ დირექტორების გათავისუფლება რეორგანიზაციის ფარგლებში მოხდა და ამ ქმედებებს პოლიტიკური საფუძველი არ ჰქონია.