ქუთაისში 11-სულიან ოჯახს სახლიდან ასახლებენ

ქუთაისში, ძოძუაშილის #4ა-ში მცხოვრებ ონიანების ოჯახს სახლიდან ასახლებენ. ადგილზე ათეულობით სამართალდამცველია მობილიზებული, თუმცა ოჯახის წევრების წინააღმდეგობის გამო, პოლიცია სახლიდან მათ გამოყვანას ვერ ახერხებს. შეუძლოდ გახდა ოჯახის დიასახლისი, რის გამოც ადგილზე სასწრაფო სამედიცინო დახმარების გამოძახება გახდა საჭირო. ოჯახის უფროსი აცხადებს, რომ სესხს, რომელიც 5 000 დოლარს შეადგენს, აგვისტოს ბოლომდე დაფარავს, თუმცა ონიანები ამბობენ, რომ კერძო იპოთეკარი აღნიშნულ პირობაზე თანხმობას არ აცხადებს.