ტყიბულის სოფელ მუხურას მაჟორიტარმა საარჩევნო დაპირება შეუსრულა

ტყიბულის მაჟორიტარი-დეპუტატი ელისო ჩაფიძე ტყიბულის მუნიციპალიტეტის სოფელ მუხურას საავტომობილო გზის ბეტონით მოპირკეთების სამუშაოების მიმდინარეობას გაეცნო.




აღნიშნული სოფელი ტყიბულის მუნიციპალიტეტში ერთ-ერთი ყველაზე დიდი დასახლებული პუნქტია. 2002 წლის მონაცემებით, სოფელში 2 250 ადამიანია რეგისტრირებული. სოფელს არასდროს არ ჰქონია მოპირკეთებული გზა, რის გამოც ზამთრის პერიოდში შეუძლებელი ხდებოდა ადმინისტრაციულ ცენტრთან დაკავშირება. 2012 წლიდან მიმდინარეობს საავტომობილო გზის 8 კილომეტრიან მონაკვეთზე ბეტონის საფარის დაგება, რაც მაჟორიტარის წინასაარჩევნო დაპირება გახლდათ.

ცნობისთვის, ელისო ჩაფიძე სოფელ მუხურას მკვიდრია.