ქუთაისში სოციალურად დაუცველი ოჯახების დასახმარებლად სოლიდარობის აქციისთვის ემზადებიან

"გაიღე ნივთი, დაეხმარე მას, ვისაც შენზე მეტად უჭირს"-ამ სლოგანით ქუთაისში, 4 აგვისტოს, 12 საათზე, ქალაქის ცენტრალურ ბულვარში საქველმქომედო- სოლიდარობის აქცია გაიმართება.
სოლიდარობის აქცია, რომელიც არასამთავრობო ორგანიზაცია „მიგრაციის სახლის" ორგანიზებით ჩატარდება 3 სოციალურად დაუცველი ოჯახის დახმარებას ითვალისწინებს.
"სამი სოციალურად დაუცველი ოჯახის დასახმარებლად. ვაგროვებთ წიგნებს, ხელნაკეთ ნივთებს და სხვა საგნებს. შეგროვებულ ნივთები საჯარო სივრცეში გაიყიდება. შემოსული თანხით კი ამ ოჯახებს დავეხმარებით. გაიღე ნივთი, დაეხმარე მას, ვისაც შენზე მეტად უჭირს. ნივთების მიტანა შეგიძლიათ რადიო „ძველი ქალაქის“ ოფისში ან აქციის დღეს ცენტრალურ სკვერში. თანხის შეგროვება მიმდინარეობს საბანკო გადარიცხვითაც. ნებისმიერ მსურველს, კერძო თუ იურიდიულ პირს შეუძლია შემოგვიერთდეს. "- აცხადებენ აქციის ორგანიზატორები.

საბანკო რეკვიზიტები:
მიმღები: მიგრაციის სახლი
ბანკის კოდი: UGEBGE22
ანგარიშის ნომერი: GE63VT0500000077833602GEL
გთხოვთ გადარიცხვის დანიშნულებაში მიუთითოთ ქველმოქმედება .

სოლიდარობის აქციის მედიაპარტნიორია საინფორმაციო სააგენტო TOPNEWS.COM.GE (გაიგე მთავარი იმერეთში)