ქუთაისმა მოგზაურ სუპერ თასებს უმასპინძლა

ქუთაისმა უეფას ჩემპიონთა ლიგისა და ევროპის ლიგის თასებს უმასპინძლა. ევროპის სამი ყველაზე პრესტიჟული ჯილდო ცენტრალურ ბულვარში, სპეციალურად მოწყობილ სცენაზე განათავსეს. ევროპული საკლუბო ფეხბურთის პრესტიჟულ თასებთან ყველა მსურველს შეეძლო ფოტოების გადაღება.




ღონისძიება საქართველოს ფეხბურთის ფედერაციის ორგანიზებითა და ქუთაისის მერიის მხარდაჭერით გაიმართა.
სუპერ თასის ,,მოგზაურობა საქართველოში“ 3 ივლისს, ქალაქ ფოთიდან დაიწყო და 10 აგვისტომდე ქვეყნის ყველა რეგიონს მოივლის.
ევროპის სუპერთასის ფინალი ,,ბარსელონას’’ და ,,სევილიას’’ შორის, 11 აგვისტოს, თბილისში, ,,დინამო არენაზე’’ გაიმართება.