24 ივლისს, ავტოქარხნის დასახლებაში 11 000 აბონენტს შუქი გაეთიშება

თარიღი : 23-07-2015, 11:51 | კატეგორია: ახალი ამბები, საზოგადოება

მიმდინარე წლის 24 ივლისს მაღალი ძაბვის ქვესადგურ "ავტოქარხანაში" დაგეგმილი სამუშაოების გამო 10:00 საათიდან 18:00 საათამდე ელექტროენერგიის მიწოდება დროებით შეეზღუდება დაახლოებით 11000 აბონენტს ქუთაისში, ავტოქარხნის დასახლებაში.

"110/35/6 კვ ქვესადგურიდან “ავტოქარხანა” ელექტროენერგია მიეწოდება ავტოქარხნის მუნიციპალიტეტში შემავალ ქუჩებს: ავტომშენებლის, ხარებავას, ზ. ჭავჭავაძის, ბუკიას, ბელინსკის, მუსხელიშვილის, ტოლბუხინის, ორახელაშვილის, ცოტნე დადიანის, დეპოს, ტოლსტოის, მესხის, ხმელნიცკის, ჩხობაძის, ცახელის, ბელიაშვილის, გუნიას, ლუქსემბურგის, სააკაძის, ფურცელაძის, ქიაჩელის, წმ. ლუკას (ე.წ. აგარაკების დასახლება) და მიმდებარე ქუჩებზე მცხოვრებ აბონეტებს და აქ არსებულ ობიექტებს. მათ შორის ქუთაისის N2 საპყრობილეს, ო.ჩხობაძის სახელობის საავადმყოფოს, ქუთაისის ავტომექანიკურ ქარხანას და სხვა საწარმოებს. აღნიშნული მომხმარებლები წინასწარ არიან გაფრთხილებული მოსალოდნელი გამორთვის შესახებ," - ნათქვამია "ენერგო პრო ჯორჯიას" პრესსამსახურის მიერ გავრცელებულ ინფორმაციაში.

კომპანიაში იმასაც აცხადებენ, რომ აბონენტთა ენერგომომარაგების საიმედოობის უზრუნველყოფის მიზნით პროფილაქტიკურ სამუშაოებს კომპანია სისტემატურად ატარებს ყველა მაღალი ძაბვის ქვესადგურში.

ნანახია: 2222-ჯერ