"ქუთაისის ეიფელის კოშკი" ქალაქის ბოტანიკურ ბაღში და ბაღის მომავალი

"ქუთაისის ბოტანიკური ბაღის მომავალი," - ამგვარი სახელწოდებით ავრცელებს ბოტანიკური ბაღი იმ ახალი სამომავლო პროექტების სავარაუდო ფოტო-კოლაჟს, რომლის განხორციელება ახლო მომავალში, ქალაქის თვითმმართველობისა და საზოგადოების ხელშეწყობით იგეგმება.

განსახორციელებელი პროექტები კი შემდეგია:

1. ბონდის ხიდი, რომელიც ქალაქის სამუზეუმო ნაწილს დააკავშირებს ბოტანიკურ ბაღთან. ( ბონდის ხიდს ქუთაისის საზოგადოებამ ‘’ქუთაისის ეიფელის კოშკი“ უწოდა);
2. ბაგრატის ტაძრიდან გამომდინარე ბუნებრივი წყაროს ნაწილის ბოტანიკურ ბაღში შეყვანა და ამ წყლის გამოყენებით ბუნებრივი შადრევნის მოწყობა;
3. ძველი პარკის ტერიტორიაზე (ქვედა პარკი) ამორტიზებული აუზის რეკონსტრუქცია;
4. ამორტიზებული ადმინისტრაციული შენობის რეკონსტრუქცი;
5. დაწყებული მერქნიან მცენარეთა სანერგის ეტაპობრივი გაფართოება;
6. მე-19 საუკუნეში გაშენებული ამორტიზებული ორანჟერიის აღდგენა;
7. ორიგინალური, ეგზოტიკური კუთხის შექმნა მცენარეებს შორის;
8. ნაპირსამაგრი სამუშაოების ჩატარება მდინარე რუას გასწვრივ;
9. ბოტანიკური ბაღის შემოღობვის განახლება სრულ პერიმეტრზე;
10. წყალწითელას მიმდებარე ტერიტორიაზე სანერგე მეურნეობის პერსპექტივის გათვალისწინებით განვითარების სრულყოფილი პროექტის შექმნა.