მოვაჭრეები ქუთაისის მერს ხვდებიან

ქუთაისში, ჭავჭავაძის გამზირზე გამართულმა მოვაჭრეების საპროტესტო აქციამ ქალაქის მერიასთან გადაინაცვლა. მოვაჭრეების პარალელურად, მერიის შენობასთან იმყოფებიან საპატრულო პოლიციის წარმომადგენლები. თავად მოვაჭრეები კი ამ დროისათვის ქუთაისის მერს, შოთა მურღულიას ხვდებიან. მოვაჭრეთა მოთხოვნას ქალაქში გარევაჭრობის აკრძალვა წარმოადგენს.
მერიის ადმინისტრაციული ზდამხედველობის სამსახურის უფროსი ბაქარ ჭეიშვილი აცხადებს, რომ ქალაქის ადგილობრივ ხელისუფლებას გარემოვაჭრეთა დაჯარიმების მექანიზმები არ გააჩნია. ჭეიშვილი ამბობს, რომ აღნიშნულთან დაკავშირებით საქმე სამართალდამცავ ორგანოებს აქვთ გადაცემული.