"თავისუფალი ზონის" წევრებს ქუთაისის სასამართლომ ჯარიმა დააკისრა

ქუთაისის საქალაქო სასამართლოში "თავისუფალი ზონის" 3 წევრის საქმის განხილვა გაიმართა. ორგანიზაციის წევრები სამართალდამცველებმა ადმინისტრაციულ სამართალდარღვევათა კოდექსის 166-ე და 173-ე მუხლებით დააკავეს, რაც წვრილმან ხულიგნობასა და წინააღმდგებობის გაწევას გულისხმობს.
საქალაქო სასამართლოს გადაწყვეტილებით, ერთ-ერთი დაკავებული მირიან დეისაძე სრულად გამართლდა. ხოლო სალომე ჯავახაძესა და ნატო ქუთათელაძეს მოსამართლე მაკა გორგოძის გადაწყვეტილებით, 250-250-ლარიანი ჯარიმები დაეკისრათ.
ცნობისთვის, "თავისუფალი ზონის" წევრებსა და სამართალდამცავებს შორის უთანხმოება ქუთაისში პრემიერის ვიზიტის დროს დაიწყო, ხოლო მოგვიანებით ქალაქის მერიის შენობასთან გაგრძელდა. "თავისუფალი ზონის" წევრები ქუთაისის მერიასთან ორგანიზაციის წევრის, ნიკა ნარსიას გათავისუფლებას ითხოვდნენ, რომელიც პრემიერის ქუთაისში ვიზიტისას მომხდარი ინციდენტის გამო დააკავეს. ადგილზე საპატრულო პოლიციის სამი ეკიპაჟი გამოცხადდა და "თავისუფალი ზონის" წევრები, იძულების წესით, მანქანაში ჩასვეს.