იტვირთება

რეინჯერებმა ტყეში პატრულირებისას ხანძრის 3 მცირე კერა აღმოაჩინეს

რეინჯერებმა ტყეში პატრულირებისას ხანძრის 3 მცირე კერა აღმოაჩინეს

დაცული ტერიტორიების სააგენტო ხანძრის გაჩენის მაღალი რისკის მქონე ტერიტორიებზე 24 საათიან მონიტორინგს ახორციელებს.

სააგენტოს ინფორმაციით, რეინჯერები  იმ ტერიტორიებზე პატრულირებენ, სადაც მნიშვნელოვანია დაუყოვნებელი რეაგირება ხანძრის გავრცელების პრევენციისთვის. პატრულირების განმავლობაში დაფიქსირდა 3 მცირე ხანძრის კერა.

"აღსანიშნავია, რომ გარდა 24 საათიანი მკაცრი მონიტორინგისა, რეინჯერები ვიზიტორებს ცხელ პერიოდში მოგზაურობის დროს გასათვალისწინებელ რეკომენდაციებს და ბუნებაში ქცევის წესებს აცნობენ.  

დაცული ტერიტორიების სააგენტო, ხანძრების პრევენციის მიზნით, ახორციელებს სხვადასხვა ტერიტორიის აღჭურვას ხანძარსაწინააღმდეგო ინვენტარით; რეინჯერები გადამზადებული არიან ხანძარსაწინააღმდეგო უსაფრთხოების ნორმების ტრენინგებით,"-აცხადებენ დაცული ტერიტორიების სააგენტოში. 


ტეგები:

Facebook - კომენტარები