ქუთაისის მერიასთან პოლიციამ 'თავისუალი ზონის' კიდევ რამდენიმე წევრი დააკავა

"ჰაქიმ ფაშა გადადექი" - ამ ლოზუნგით "თავისუფალი ზონის" წევრები ქუთაისის მერიასთან აქციას მართავდნენ, რა დროსაც ისინი სამართალდამცველებმა დააკავეს.

ქუთაისის მერიასთან შეკრებილები ორგანიზაციის წევრის, ნიკა ნარსიას გათავისუფლებას ითხოვდნენ, რომელიც პრემიერის ქუთაისში ვიზიტისას მომხდარი ინციდენტის გამო დააკავეს. ადგილზე საპატრულო პოლიციის სამი ეკიპაჟი გამოცხადდა და "თავისუფალი ზონის" წევრები, იძულების წესით მანქანაში ჩასვეს.

"გვიჭერენ იმიტომ, რომ პრემიერ-მინისტრთან ხმის ამოღება გავბედე. ჩვენ "თავისუფალი ზონის" წევრებს, პრემიერის ბრძნაებით გვაკავებენ, რადგან ნიკა ნარსიას ინციდენტმა ის გააღიზიანა", - აცხადებს "თავისუფალი ზონის" დაკავებული წევრი.

შეგახსენებთ, რომ ქუთაისში პრემიერ-მინისტრის ვიზიტის დროს ინციდენტი მოხდა. პრემიერ-მინისტრმა ირაკლი თარიბაშვილმა ქუთაისში, სამ ვარსკვლავიანი სასტუმროს მშენებლობას საფუძველი ჩაუყარა, რა დროსაც ადგილზე თავისუფალი ზონის წევრბი მოვიდნენ.

ერთ-ერთმა მათგანმა, საქართველოს და "თავისუფალი ზონის" დროშები გაშალა, რასაც მცირე ინციდენტი მოჰყვა. თავისუფალი ზონის წევრს დაცვამ ტერიტორია დაატოვებინა, რასაც თავისუფალი ზონის სხვა წევრების პროტესტი მოჰყვა.

პოლიციამ "თავისუფალი ზონის" აქტივისტი ნიკა ნარსია წვრილმანი ხულიგნობისთვის დააკავა.