ირაკლი ღარიბაშვილის ქუთაისში ვიზიტს ინცინდენტი მოჰყვა

პრემიერ ირაკლი ღარიბაშვილის ქუთაისში ვიზიტის დროს ინცინდენტი მოხდა. ირაკლი ღარიბაშვილმა ქუთაისში, სამ ვარსკვლავიანი სასტუმროს მშენებლობას ჩაუყარა საფუძველი, რა დროსაც ადგილზე "თავისუფალი ზონის" წევრები მივიდნენ.

ერთ-ერთმა მათგანმა, საქართველოს და "თავისუფალი ზონის" დროშები გაშალა. რის შემდეგაც "ზონის" ერთ-ერთ წევრს დაცვამ ტერიტორია დაატოვებინა, აღნიშნულს კი ორგანიზაციის სხვა წევრების პროტესტი მოჰყვა.

"თავისუფალი ზონის" წევრს სურდა ჩვენი დროშა გაეშალა, რისი უფლებაც დაცვამ არ მისცა. ამის შემდეგ დაცვის რამდენიმე წევრმა ჩვენს მეგობარს ხელი მოკიდა და მანქანაში ძალის გამოყენებით ჩასვა", - განაცხადა "თავისუფალი ზონის" წევრმა.