"ცენტრალურ და ადგილობრივ ხელისუფლებას დაავიწყდათ ქამრების ფუნქცია"

ქუთაისის საკრებულოს ფრაქცია „ნაციონალური მოძრაობის“ წევრი ბესიკ ბრეგაძე აცხადებს, რომ ხელისუფლების მიერ გამოცხადებულმა „ქამრების შემოჭერის“ პოლიტიკამ არ გაამართლა.

ბრეგაძემ „ნაციონალური მოძრაობის“ ქუთაისის ოფისში გამართულ ბრიფინგზე აღნიშნა, რომ „ქამრების შემოჭერის“ პოლიტიკის გავლენით, ადგილობრივმა ხელისუფლებამ ისეთი პროგრამების თანხები შეამცირა, როგორიცაა პროგრამა „კორპუსი“, ძელსკამების და ატრაქციონების მოწყობა, ქალაქის გამწვანების, მოვლა-პატრონობისა და სკვერების კეთილმოწყობის ღონისძიებები და ცენტრალური გზებიდან საცხოვრებელ კორპუსებამდე მისასვლელი გზების რეაბილიტაცია. შემცირება შეეხო ინფრასტრუქტურული პროექტების ბიუჯეტსაც.

„ცენტრალურ და ადგილობრივ ხელისუფლებას დაავიწყდათ ქამრების ფუნქცია. ქამრებს წელზე კი არა, კისერზე უჭერენ ჩვენს მოსახლეობას,“ - აცხადებს ბრეგაძე.