ომარ ნიშნიანიძე: მუხრანის ტყეს სერიოზული გამოკვლევა სჭირდება

გარემოს დაცვის სამინისტროს წარმომადგენლები ქუთაისთან ახლოს მდებარე მუხრანის ტყის მდგომარეობას შეისწავლიან. ინფორმაციას ამის შესახებ პარლამენტის წევრი, "ქართული ოცნების" დეპუტატი ომარ ნიშნიანიძე ავრცელებს.



"ქუთაისის ფილტვები - მუხნარის ტყე წლების განმავლობაში მიტოვებული იყო უყურადღებოდ. ლამის განადგურდეს ისეთ დღეშია. დაავადებებისაგან ხეები ზეზეულად ხმებიან. ცუდ როლს თამაშობს რიონგესის არხი, საიდანაც წყალი ჟონავს ტყისკენ და ფესვებს ულპობს მუხებს. მოკლედ ტყეს სერიოზული გამოკვლევა სჭირდება და სათანადო მიხედვა. ჩვენი ხელისუფლების ძალისხმევით, ისე მეც შევიტანე პატარა წვლილი როგორც გარემოს დაცვის კომიტეტის თავმჯდომარის მოადგილემ, ქუთაიისში დღეიდან გარემოს დაცვის სამინისტროს თანამშრომლები ჩამოვიდნენ და იწყებენ მუხნარის ტყის მდგომარეობის შესწავლას, დაიდება დასკვნა და დაიწყება სათანადო ღონისძიებებიც ტყის გადასარჩებად," - ამბობს ომარ ნიშნიანიძე.