ქუთაისში სიჩქარის მარეგულირებელი კუნძულების მოწყობა ერთ თვეში დასრულდება

ქუთაისში სიჩქარის მარეგულირებელი კუნძულების მშენებლობა ქალაქის მერმა შოთა მურღულიამ დაათვალიერა.
ქუთაისში, 10 ადგილას სიჩქარის მარეგულირებელი 24 კუნძულის მოწყობას რეგიონალური განვითარების ფონდი აფინანსებს. შოთა მურღულიას განცხადებით, აღნიშნული პროექტი ხელს შეუწყობს ავტომანქანების უსაფრთხო გადაადგილებას და ნაწილობრივ სიჩქარის შემზღუდველ საშუალებასაც წარმოადგენს.
,,იმის გამო, რომ ქუთაისში არ არსებობდა სიჩქარის მარეგულირებელი კუნძულები და ქალაქში იქმნებოდა ავარიული სიტუაციები, ასევე ქვეითად მოსიარულეს ექმნებოდა საფრთხე, დაიგეგმა მარეგულირებელი კუნძულების მოწყობა. აღსანიშნავია ის ფაქტიც, რომ თითქმის ყველა დიდ ქალაქში არსებობს სიჩქარის მარეგულირებელი კუნძულები. ქუთაისში მისი მოწყობა წელს დაიწყო და ერთ თვეში დასრულდება. კუნძულების მოწყობა მნიშვნელოვნად გაალამაზებს ქალაქის იერსახეს და გაზრდის მწვანე საფარის მოცულობას. მცენარეების მოსავლელად მოეწყობა სარწყავი სისტემებ,”- განაცხადა შოთა მურღულიამ.