წყალტუბოს სოფელში მოსახლეობას უფასო გამოკვლევები ჩაუტარდა

წყალტუბოს მუნიციპალიტეტის სოფელ მუხიანში ადგილობრივი თვითმმართველობისა და ქალაქ ქუთაისის ნაზარიშვილის საოჯახო მედიცინის ცენტრის ორგანიზებით უფასო გამოკვლევების აქცია გაიმართა. მთელი დღის განმავლობაში სოფლის მცხოვრებლებს საშუალება ჰქონდათ ოფთალმოლოგის, კარდიოლოგის, ნევროპათოლოგისა და თერაპევტის სათანადო კონსულტაციები მიეღოთ. პაციენტებს ასევე უტარდებოდათ ლაბორატორიული, ულტრაბგერითი და ეხოკარდიოგრაფიული გამოკვლევები. საჭიროების შემთხვევაში ურიგდებოდათ მედიკამენტები.
აქციის მხარდაჭერის მიზნით სოფელ მაღლაკში იმყოფებოდნენ წყალტუბოს მუნიციპალიტეტის გამგებელი კონსტანტინე მამისეიშვილი და გამგებლის მოადგილე გენადი ბალანჩივაძე.
,,სოფლის მოსახლეობა სხვადასხვა მიზეზის გამო ვერ ახერხებს ექიმთან ვიზიტს, შესაბამისად არ ხდება დაავადებათა დროული დიაგნოსტირება. მსგავსი ტიპის უფასო სამედიცინო აქციები პერმანენტულად გაგრძელდება და მუნიციპალიტეტის რამდენიმე სოფელს მოიცავს,"-განაცხადა გამგებელმა.