ქუთაისში ერთიანი ეროვნული გამოცდები 3 საგამოცდო ცენტრში მიმდინარეობს

ქუთაისში ერთიანი ეროვნული გამოცდები 3 საგამოცდო ცენტრში მიმდინარეობს.
საგამოცდო ცენტრში აცხადებენ, რომ გამოცდები ქუთაისში პროცედურული დარღვევების გარეეშე მიმდინარეობს და რეგისტრაცია სამივე საგამოცდო ცენტრში დილის 8 საათზე დაიწყო.
ქალაქის სამ საგამოცდო ცენტრში 5 000 აპლიკანტია რეგისტრირებული.
"ძალიან ვღელავ. იურიდიულზე აბარებს ჩემი შვილი. ერთი წელი ემზადებოდა რეპეტიტორებთან, იმედია ყველაფერი კარგად ჩაივლის,"- აცხადებს აბიტურიენტის მშობელი ნანა ვარდანიძე.
საგამოცდო ცენტრებთან დილიდან მობილიზებულია საპატრულო პოლიციის და სასწრაფო დახმარების მანქანები.
ცნობისთვის ქუთაისში სულ სამი საგამოცდო ცენტრი # 1, # 41 -ე და მე-17 სკოლებში იმუშავებს.
შეგახსენებთ, რომ წელს საქართველოს მასშტაბით გამოცდას 41 000-მდე აბიტურიენტი აბარებს. აბიტურიენტებს პირველი გამოცდის ჩაბარება ქართული ენასა და ლიტერატურაში, 2-3 ივლისს მოუწევთ.