წყალტუბოში ავარიას ორი ადამიანი ემსხვერპლა

წყალტუბოს მუნიციპალიტეტში ავტოსაგზაო შემთხვევის შედეგად ორი ადამიანი დაიღუპა. ავარია წყალტუბოს შესასვლელში მოხდა. არსებული ინფორმაციით, გარდაცვლილები ახალდაქორწინებული, იძულებით გადაადგილებული პირები არიან. შინაგან საქმეთა სამინისტროს პრესსამსახურში მომხდართან დაკავშირებით აცხადებენ, რომ ავარიაში ორი მსუბუქი ავტომანქანა მონაწილეობდა. უწყება მომხდართან დაკავშირებით გამოძიებას აწარმოებს.