ქუთაისის ხელისუფლება ინფრასტრუქტურული სამუშაოების მონიტორინგს ახორციელებს

ქუთაისის მერმა შოთა მურღულიამ და ქალაქის საკრებულოს თავმჯდომარემ დავით დვალმა ქუთაისში, იოსელიანის ქუჩაზე მიმდინარე სარეაბილიტაციო სამუშაოები დაათვალიერეს. აღნიშნულ ქუჩაზე შ. პ. ს ,, world global alliance “ ასფალტო- ბეტონის გზის დაგებას აწარმოებს. სამუშაოებს კომპანია რეგიონული განვითარების ფონდიდან მიღებული 128 998 ლარით ახორციელებს. ქუთაისის საკრებულოს თავმჯდომარის დავით დვალის თქმით, ადგილობრივი მთავრობა ყოველდღიურ მონიტორინგს აწარმოებს ინფრასტრუქტურული პროექტების განხორციელების პროცესში, რათა სამუშაოები დროულად და ხარისხიანად დასრულდეს.
,, ინფრასტრუქტურული სამუშაოები ინტენსიურად მიმდინარეობს. ქალაქში 50-მდე გზის კეთილმოწყობა მოხდება.გათვალისწინებულია სანიაღვრე სისტემების მოწყობაც. ჩვენ ძალიან ადრე, ამინდების გამოსვლასთან ერთად დავიწყეთ სამუშაოები. ქალაქში იქნება მცირედი გადაკეტვები, ამ შეფერხებისთვის მოსახლეობას ბოდიშს ვუხდით, თუმცა თუ ამინდები ხელს შეგვიწყობს, სამუშაოები დროულად დასრულდება,“- განაცხადა შოთა მურღულიამ
იოსელიანის ქუჩის რეაბილიტაცია მიმდინარე წლის მარტში დაიწყო და თვის ბოლოს დასრულდება.