ქუთაისში მდებარე პარლამენტის შენობასთან აქცია მიმდინარეობს

ქუთაისში პარლამენტის შენობასთან ბათუმელი გარემოვაჭრეების აქცია მიმდინარეობს.
აქციის მონაწილეები პარლამენტის თავმჯდომარესთან შეხვედრას ითხოვდნენ. როგორც გარემოვაჭრეები აცხადებენ, მათ ბათუმის მერიამ ქალაქში საბაგიროს ტერიტორიაზე ვაჭრობა აუკრძალა. გარემოვაჭრეები უკმაყოფილები არიან შეთავაზებული ალტერნატიული ფართითაც და მოითხოვენ, რომ ზაფხულის სეზონზე კვლავ დაუბრუნდნენ დროებით საბაგიროს ტერიტორიას. წინააღმდეგ შემთხვევაში აქციის მონაწილები შიმშილობის დაწყებასაც არ გამორიცხავენ.