ოლიმპიური ცეცხლი ქუთაისშია

ოლიმპიური ცეცხლი იმერეთში რჩება.
ქუთაისში დავით აღმაშენებლის მოედანზე ოლიმპიური ცეცხლი მსოფლიო ორგზის ჩემპიონმა ჭიდაობაში თეიმურაზ აფხაზავამ შეიტანა.
ცეცხლი მოედანზე იმერეთის გუბერნატორმა გივი ჭიჭინაძემ და ქუთაისის მერმა შოთა მურღულიამ აანთეს.
"საქართველოში პირველად ჩამობრძანდა ოლიმპიური ცეცხლი, მე მერგო პატივი მისი ქუთაისში შემობრზანების. ძალიან მიხარია, მინდა მივულოცო ქუთაისს და მთელ საქართველოს. ასევე,მინდა წარმატება ვუსურვო იმ ქართველ ახალგაზრდებს, რომლებიც ამ ოლიმპიურ ფესტივალსი მიირებენ მონაწილეობას. მჯერა მათი წამატების"-განაცხადა თემურ აფხაზავამ.
ამის პარალელურად კი მიმდინარეობდა საქველმოქმედო აქცია სტიქიის შედეგად დაზარალებულთა დასახმარებლად. გასაყიდად გამოფენილი იყო მოსწავლეების შესრულებული ნახატები და სპორტის მუზეუმის დირექტორის, ზურაბ ჯავახაძის წიგნები.
"ბევრს უნდა აქ წარმოდგენილი წიგნებისა და ნახატების შეძენა და ამით დაზარალებულთა დახმარება, მაგრამ საშუალება არ აქვთ, ოლიმპიური ცეცხლის ჩამოსვლას კი მივესალმები და მოხარული ვარ"- ამბობს ნატო დანელია, საქველმოქმედო აქციის მონაწილე.
შეგახსენებთ, რომ წიგნებისა და ნახატების გაყიდვის შედეგად შემოსული თანხა მთლიანად სტიქიის შედეგად დაზარალებულებს გადაერიცხებათ.

სოფო მანჯგალაძე