იმერეთის გუბერნატორის პიარი ტელეკომპანია რიონის ჟურნალისტი გახდა

იმერეთის გუბერნატორის აპარატის უფროსის მოადგილე ტელეკომპანია "რიონის" ჟურნალისტი სალომე ჩინჩალაძე გახდა. როგორც ცნობილია, ჩინჩალაძე აპარატის უფროსის მოადგილის მოვალეობას აღნიშნული პოზიციის კონკურსის წესით შევსებამდე შეასრულებს. გუბერნატორის აპარატის უფროსის მოადგილის თანამდებობა მას შემდეგ გახდა ვაკანტური, რაც ზეკო ხაჩიძემ გასული წლის დეკემბერში თანამდებობა დატოვა და წყალტუბოს მუნიციპალიტეტის გამგებლის მრჩევლად გადაინაცვლა. გუბერნიის აპარატის უფროსის მოადგილის ვაკანტური თანამდებობის დასაკავებლად გამოცხადებული კონკურსი კი მას შემდეგ სამჯერ ჩაიშალა.