თამარის სასახლეში არქეოლოგიური გათხრები დაიწყო

წყალტუბოს მუნიციპალიტეტის სოფელ გეგუთში მდებარე თამარის ციხეზე არქეოლოგიური სამუშაოები დაიწყო. ინფორმაციას ამის შესახებ ისტორიკოსი, საქართველოს პარლამენტის წევრი ომარ ნიშნიანიძე ავრცელებს. "გეგუთის სამეფო დარბაზის არქეოლოგიური გათხრები დაიწყო და ინტენსიურად მიმდინარეობს. გათხრებში მონაწილეობას იღებენ ქუთაისის აკაკი წერეთლის სახელმწიფო უნივერსიტეტის სტუდენტები. არქეოლოგიურ კვლევებს პროფესორი როლანდ ისაკაძე ხელმძღვანელობს," - ამბობს ნიშნინიძე.
ცნობისთვის, ამ დროისათვის სამეფო სასახლის ტერიატორიაზე სარეაბილიტაციო სამუშაოებიც ხორციელდება.