ქუთაისში ტრანსპორტი გაიფიცა

ქუთაისში საქალაქო ხაზებზე დასაქმებული ავტობუსებისა და სამარშრუტო ტაქსის მძღოლები გაიფიცნენ.
გაფიცულებს ტრანსპორტი წითელი ხიდის მიმდებარე ტერიტორიაზე ჰყავთ გაჩერებული.
მძღოლების თქმით, იმისათვის, რომ მათ მუშაობის გაგრძელება შეძლონ, ქალაქის ხელისუფლებამ გადამყვანი კომპანიების შერჩევის მიზნით გამოცხადებული კონკურსი გარკვეული ვადით უნდა გადაწიოს და მძღოლებს ახალი ტრანსპორტის შეძენის საშუალება მისცეს.