ქუთაისში კორპუსიდან გადმოვარდნის შემდეგ ბავშვი გარდაიცვალა

ქუთაისში ცხრასართულიანი კორპუსიდან გადმოვარდნილი ბავშვი გარდაიცვალა.
შემთხვევის ადგილზე აცხადებენ, რომ ბავშვი საავადმყოფოში სასწრაფო-სამედიცინო ეკიპაჟის მოსვლამდე მეზობლის ავტომანქანით გადაიყავნეს, თუმცა ის გზაში გარდაიცვალა.
"სასწრაფოს მოსვლას არ დაველოდეთ. მეზობლის მანქანაში ჩავსვით და გავიქეცით საავადმყოფოში, თუმცა ბავშვი გზაში გარდაიცვალა. ფანჯარა დაკეტილი იყო, თუმცა როგორც ოჯახი ამბობს, ბავშვს თავისით გაუღია, ეზოში გადმოხედვა უნდოდაო", - აცხადებს მეზობელი მანანა ნოზაძე.

შეგახსენებთ, რომ ქუთაისში ხარბავას ქუჩის ექვს ნომერში მდებარე ცხრასართულიანი კორპუსიდან სამი წლის ბავშვი გადმოვარდა.





თამუნა სხულუხია