ჭიათურის თეატრში სტიქიით დაზარალებულთა დასახმარებლად სპექტაკლი გაიმართება

ჭიათურის აკაკი წერეთლის სახელობის პროფესიულ სახელმწიფო დრამატულ თეატრში 26 ივნისს, 18:00 საათზე საქველმოქმედო სპექტაკლი გაიმართება. ნაჩვენები იქნება ფესტივალ “თეატრალური იმერეთი 2015“-ის გამარჯვებული, რეჟისორ კახა გოგიძის მიერ დადგმული სპექტაკლი „მუსუსი“.
სპექტაკლზე დასასწრებად ბილეთის ფასი 5 ლარია. შემოსული თანხა თბილისში, 13 ივნისის სტიქიის შედეგად დაზარალებულთა ფონდში გადაირიცხება. „ველოდებით ერთგულ მაყურებელს, რომელიც მზადაა თანადგომა გამოუცხადოს გაჭირვებაში მყოფ ადამიანებს,“-აცხადებენ თეატრის ადმინისტრაციაში. აღსანიშნავია, თეატრალურ ფესტივალზე გამარჯვების შემდეგ, მსახიობები "მუსუსს" ჭიათურის თეატრში პირველად ითამაშებენ.