ქუთაისის ოპერა სტიქიით დაზარალებულთა დასახმარებლად სპექტაკლს მართავს

ქუთაისის მელიტონ ბალანჩივაძის სახელობის ოპერისა და ბალეტის პროფესიულ სახელმწიფო თეატრში თბილისში, სტიქიით დაზარალებულთა დახმარების მიზნით, ზ. ფალიაშვილის სამმოქმედებიანი ოპერა „დაისი“ გაიმართება. წარმოდგენა 2015 წლის 3 ივლისს, 18:00 საათზე არის ჩანიშნული.
"13 ივნისს თბილისში მომხდარმა ფაქტმა სრულიად საქართველო შეძრა. ქუთაისის ოპერის თეატრი თანაუგრძნობს დაზარალებულ ოჯახებს და სპექტაკლზე შემოსული თანხა გადაირიცხება დახმარების ფონდში," - აცხადებენ ქუთაისის ოპერის თეატრის საზოგადოებასთან ურთიერთობის სამსახურში.
ფალიაშვილის "დაისზე" დასასწრებად ბილეთები ოპერის თეატრის სალაროში იყიდება. ბილეთების დაჯავშნა ასევე შესაძლებელია შემდეგ ტელეფონზე: 0431 24 50 53.