ქუთაისის ახალგაზრდული ცენტრი საქველმოქმედო კონცერტს გამართავს

ქუთაისის მელიტონ ბალანჩივაძის სახელობის ოპერისა და ბალეტის პროფესიულ სახელმწიფო თეატრში სტიქიით დაზარალებულთა დახმარების მიზნით, ახალგაზრდული ცენტრი საქველმოქმედო კონცერტს გამართავს.

როგორც ცენტრის ხელმძღვანელმა ნატალი პატარიძემ topnews.com.ge-ს განუცხადა, საქველმოქმედო კონცერტში საბალეტო სკოლა, ლათინო-ამერიკული ცეკვების სტუდია, სამხატვრო სკოლა, ვოკალური სტუდია და თეატრალური ჯგუფის ბავშვები მიიღებენ მონაწილეობას.

"ახალგაზრდული ცენტრი უერთდება ქუთაისის ოპერის ინიციატივას. 22 ივნისს 17:00 საათზე ჩვენის ორგანიზაციის ორგანიზებით გაიმართება საქველმოქმედო კონცერტი. შემოსული თანხა გადაირიცხება თბილისში სტიქიით დაზარალებულთათვის. გთხოვთ ვიაქტიუროთ და გავერთიანდეთ სიკეთისთვის, "- აცხადებს ცენტრის ხელმძღვანელი ნატალი პატარიძე.

შეგახსენებთ, რომ ქუთაისის ოპერის თეატრი სტიქიით დაზარალებულთათვის საქველმოქმედო ღონისძიებების ჩატარების მსურველებს დარბაზს უსასყიდლოდ დაუთმობს.