„ტორპედო" სამგლოვიარო აქციას შეუერთდა

თბილისში მომხდარი სტიქიის შედეგად დაღუპულთა ხსოვნის პატივსაგებად დღეს ქუთაისში თეთრ ხიდზე სამგლოვიარო აქცია გაიმართა, სადაც ქუთაისის "ტორპედოს" ფეხბურთელები და მწვრთნელებიც იმყოფებოდნენ.
ფეხბურთელები სტიქიის შედეგად გარდაცვლილი ადამიანებს ოჯახებს სამძიმარს უცხადებენ.
"ჩვენი კლუბის სახელით, მწუხარებას გამოვთქვამთ მომხდარის გამო და სამძიმარს ვუცხადებთ გარდაცვლილთა ოჯახებს,"- აცხადებენ ფეხბურთელები.
შეგახსენებთ, რომ საქართველოში 15 ივნისი გლოვის დღედ მთავრობის განკარგულებით გამოცხადდა. ამ დროისთვის არსებული მონაცემებით, თბილისში წუხანდელმა სტიქიამ 12 ადამიანი იმსხვერპლა.