ქუთაისის მეორე სკოლა ერთი წელია დირექტორის გარეშე იმყოფება

იოსებ ოცხელის სახელობის ქუთაისის მე-2 საჯაო სკოლას თითქმის ერთი წელია დირექტორი არ ჰყავს. აღნიშნულ ზოგადსაგანმანათლებლო დაწესებულებაში დირექტორის მოვალეობას ამირან ძაგნიძე ასრულებს, რომელიც ამავე სკოლის დირექტორის მოადგილე იყო. სალომე სარალიძე კი, რომლიც აღნიშნულ სასწავლო დაწესებულებას წლების მანძილზე ხელმძღვანელობდა, ამჟამად იგივე საქმიანობას ქუთაისის #1 საჯარო სკოლაში აგრძელებს. topnews.com.ge-მ გადაწყვიტა გარეკვია, რატომ არ აირჩიეს დირექტორი თავის დროზე ან რატომ არ დაინიშნა თავად სამინისტროს მიერ, თუმცა თემაზე კომენტარის გაკეთება საჭიროდ არც სასწავლებლის ამჟამინდელმა ხელმძღვანელობამ და არც ქუთაისის რესურს-ცენტრის ხელმძღვანელმა ბადრი ვაშაკიძემ მიიჩნია. ვაშაკიძე თვლის, რომ ეს ყოველივე მის პრეროგატივაში არ შედის.
შეგახსენებთ, რომ სკოლაში დირექტორს სამეურვეო საბჭო ირჩევს. გასული წლის სექტემბერში, როდესაც ქუთაისის საჯარო სკოლებში ახალი დირექტორები კონკურსის წესით აირჩიეს, მე-2 საჯარო სკოლის დირექტორობის კანდიდატები სამეურვეო საბჭოს არ უნახავს. ამ დროისათვის ცნობილია, რომ განათლების სამინისტრო უახლოეს რამდენიმე დღეში სკოლაში კანდიდატს წარადგენს,მაგრამ იმ შემთხვევაში თუ სამეურვეო საბჭო დირექტორს ვერ შეარჩევს, აღნიშნულიდან ორი დღის შემდეგ მინისტრი ბრძანების საფუძველზე დირექტორს თავად დანიშნავს.

გიორგი აბაზაძე